Время работы:
Пн-Вс 10-19
Войти Регистрация
Корзина 0 позиций
на сумму 0 руб.

ЧАКЫР ДЬАҺАЛТАТЫН УОННА КУЛТУУРАТЫН ҮЛЭҺИТТЭРЭ ФЕРМА ҮЛЭҺИТТЭРИН СОЛБУЙДУЛАР

22.04.2019 
 
 
     

Амма улууһун Чакыр нэһилиэгин исписэлиистэрэ  Сомоҕолоһуу сылын үлэнэн көрдөрөллөр. “Кэскил” хаһаайыстыба  саҥа хотон тутуутун долгуйа күүтэр. 

Чакыр нэһилиэгин дьаһалтатын уонна култуура киинин исписэлиистэрэ биирдии күнүнэн быысаһан ыанньык хотоҥҥо үлэһиттэри солбуйдулар. Эр дьон үүт таһан, оҕуһунан  ноһуом соһон, от киллэрэн хотон ыарахан үлэтин толордулар. Онтон дьахталлар ынах ыатылар, ходуул ыраастаатылар. Бу курдук нэһилиэк тэрилтэлэрэ туора турбакка биир санаанан күргүөмүнэн   хаһаайыстыбаларыгар күүс-көмө буолаллар. Күһүн тэрилтэлэр бары биирдии күнүнэн болдьоһон кыстыкка бэлэмнээн хотон сыбаспыттара.  Манна көстөр «Норуот күүһэ – көмүөл күүһэ» буолара.

«Кэскил» хаһаайыстыба Чакыр нэһилиэгин биир улахан бөдөҥ хаһаайыстыбата. Биригэдьиир — нэһилиэк биир тутаах  туруу үлэһитэ Светлана Григорьева. Фермаҕа  сэттэ ыанньыксыт, икки сүөһү, үс субан сүөһүнү көрөөччү сарсыарда эрдэттэн киэһэ хойукка диэри  өрөбүл күн диэн билбэккэ үлэлииллэр. Билигин ынахтар төрөөн эппиэтинэстээх кэмнэн үүннүлэр.

Хаһаайыстыба үлэһиттэрэ быыс булан нэһилиэккэ ыытыллар бары тэрээһиннэргэ  көхтөөхтүк кытталлар, бириистээх миэстэлэри ылаллар. Хотоннор эргэрэннэр, усулуобуйа ыарахан да буоллар, онтон чаҕыйбакка бэринилээхтик үлэлииллэрин киһи хайгыыр эрэ. Аны аҕыйах кэминэн саҥа хотон тутуута саҕаланыаҕа. Онон ыра санаа оҥостубут баҕа санаалара кылгас кэм иһинэн олоххо киирэрин долгуйа күүтэллэр. Нэһилиэк үүтү, эти дэлэтэр, уйгуну-быйаҥы элбэтэр үлэһит дьонугар ситиһиилэри баҕарабыт.

Ааптар  Анастасия Васильева, Ulus.media


Возврат к списку

Войти Регистрация
Корзина 0 позиций
на сумму 0 руб.