Войти Регистрация
Корзина 0 позиций
на сумму 0 руб.

Тыа хаһаайыстыбатын миниистирэ Александр Атласов Сунтаарга үлэлээтэ

16.09.2019 

Балаҕан ыйын 14 күнүгэр Cунтаар улууһугар тыа хаһаайыстыбатын сайдыытын инники былааннарын торумнааһын сүбэ мунньаҕа ыытылынна. Сүбэ мунньах улуус Хочо өттүгэр Тойбохой нэһилиэгэр кииннээн ыытылынна. Мунньахха Сунтаар улууһун Аҕа баһылыга Анатолий Григорьев, Арассыыйа Бэдэрээссийэтин мунньаҕын чилиэнэ, сенатор Александр Акимов, СӨ Тыа хаһаайыстыбатын Миниистирэ Александр Атласов, Фапк "Якутия" генеральнай директора Петр Ефремов, Сунтаар улууһун депутаттарын Сэбиэтин бэрэссэдээтэлэ Ульяна Попова, тыа хаһаайыстыбатыгар бэйэлэрин олохторун анаабыт ветеран үлэһиттэр "Хотугу Сулус" уордьан кавалера Михаил Коколов уонна өр сылларга сопхуос директорынан үлэлээбит Горн Платонов, Үөһээ-Бүлүү, Ньурба делегацията, тыа хаһаайыстыбатын үлэһиттэрэ, тэрилтэлэр тустаах салайааччылара кыттан бэйэлэрин этиилэрин уонна туруорсууларын киллэрдилэр.


Сүбэ мунньах сүрүн боппуруоһа - тыа хаһаайыстыбатынан дьарыктанар Бүлүү бөлөх улуустара Өрөспүүбүлүкэ арҕаа сытар промышленнай куораттарын олохтоохторугар инникитин бииргэ түмсэн үлэлэһэн, бэлэм оҥоһуллан тахсыбыт бэйэ оҥорон таһаарар бородууксуйатын араас көрүҥнэрин батарыы буолар. Улуустартан кэлбит делегациялар бэйэлэрин санааларын, инники былааннарын үллэһиннилэр, тыа хаһаайыстыбатын аһын-үөлүн батарыыга аныгылыы оҥоһуллубут федеральнай трассаннан тиэйэр-таһар өттүгэр түмсэн үлэлииргэ тоҕоостоох кэм кэлбитин тоһоҕолоон бэлиэтээтилэр.
СӨ Тыа хаһаайыстыбатын Миниистирэ Александр Атласов тыа хаһаайыстыбатын сайдыытыгар бэйэтин кылаатын киллэрбит СХПК «Крестях» инженер-механигар Леонид Сидоровка "Өрөспүүбүлүкэ тыа хаһаайыстыбатын бочуоттаах бэтэрээнин" аатын туттарда.

Маны таhынан Александр Атласов улууска тыа хаһаайыстыбатын үлэтин кытта билистэ, хомуур үлэтин көрдө-иһиттэ.

"Сунтаар улууhа (оройуона)" муниципальнай оройуон дьаһалтатын пресс – сулууспата.


Возврат к списку

Войти Регистрация
Корзина 0 позиций
на сумму 0 руб.